مين باسم محسن؟!

*المعتقلين من قبل الجيش بالسويس يوم 9 يوليو 2012 - باسم محسن الأول من اليسار

للناس اللي بتسأل مين هو باسم اللي اتسجن؟

دي صورة من جوة عربية الترحيلات بعد الجيش ما قبض على مجموعة من بين المحتجين على الحكم الظالم على ٨ من شباب السويس.

كان من ضمن المعتقلين واللي أنا أعرفهم (أ.وليد حساني وأ.مدحت عيسي وأ.مصطفي خليفة وغيرهم) .. وكلهم خرجوا ما عدا باسم.

الإجابة على السؤال.. مين باسم.. والله تقريباً أنا معرفوش ممكن أكون قابلته أو كلمته وممكن لأ!

بس فكرة إن واحد يتاخد من وسطينا كدة ببساطة لإنه بيعترض على العسكر وبعدها ياخد إسبوع حبس من العسكر.. مش قادر أبلعها!

اللي بيسألني عن باسم.. أنا معرفوش.. بس كان ممكن يكون إسلام مصدق! وكان قوب قوسين أو أدني من الاعتقال برضه.. وكان ممكن يكون أي حد تاني أعرفه.

مش مهم مين باسم .. المهم هو محبوس بأي ذنب؟

يسقط يسقط ظلم العسكر.

* الصورة من حساب مدحت عيسى.

في يوم الأربعاء 11 يوليو 2012م.