مليارات من دعم المواطن.. للسلطة!

📌 في الوقت اللي "مصرنا" فيه بتغرق في شبر ميه، بيموت بسببه عشرات المواطنين منهم أطفال أقل من 10 سنوات.

⁦⚠️⁩ كانت "مصرهم" بتاخد من فلوس الدعم، الدعم بتاعنا بتاع الغلابة اللي النظام بيذلنا بيه ليل نهار، بتاخد 43 مليون جنيه لصالح دار الأوبرا المصرية!

📌 وفي ظل تهاوي منظومتنا الصحية في "مصر المواطن"، بدءًا من رواتب الأطباء والممرضين مرورا بتوفير المستلزمات الطبية وصولاً لحال المستشفيات.

⁦⚠️⁩ كانت "مصر العسكر" بتاخد من فلوس الدعم بتاعنا، والله الدعم بتاع التموين والبنزين والخدمات الحكومية، بتاخد مليار و800 مليون جنيه.. هقول تاني: مليار و800 مليون جنيه لدعم وزارة الإنتاج الحربي!!

📌 بينما في "مصر المحروسة" يسعى النظام لرقمنة جمع الضرائب، وبيحصل كل فلوسه كاش، وبيتاخد فكة الشيكات، وأنا بحارب الفساد والفاسدين، وإنت مش عارف يعني إيه صندوق أنا بشرف عليه، وإن خدت مني جنيه يبقالك الكلام.

⁦⚠️⁩ في "مصر المنهوبة" بيتاخد من فلوس دعمنا مبلغ قيمته 32 مليار جنيه، غير محددة أوجه الصرف، أيوة نفس اللي جه في بالك، اللي استخسر في أهل الصعيد 10 مليار جنيه لتطوير السكك الحديدية، بينهب سنويا أكثر من 3 أضعافهم، يعني 32 مليار جنيه محدش عارف بيتصرفوا في إيه!!!

ولسة في كوارث تانية، في الصور المرفقة، وفي الميزانية المعلنة بلاوي أكتر بس اللي يدور على حقه..

ويقولك موازنة دعم المواطن..
لولا الملامة كنت قولت "......." يا مواطن.